34.09c
Երեվան
չրք, օգս 27
Սեպտեմբեր 2-ին՝ ժամը 18:30-ին, Ազատութեան հրապարակին վրայ յանուն Արցախի վերադարձի, յանուն ազգային արժանապատւութեան, յանուն Հայաստանի Հանրապետութեան հանրահաւաք պիտի կայացուի։ Այս մասին յայտնած է ՀՅԴ ՀԳՄ ներկայացուցիչ, ԱԺ «Հայաստան» խմբակցութեան պատգամաւոր Իշխան Սաղաթէլեանը։
Սեպտեմբեր 2-ն Արցախի անկախութեան հռչակման օրն է։
«Այսօր Հայաստանի, Ադրբեջանի եւ Թուրքիայի կառավարութիւնները միասնաբար ստիպում են մեզ փակել Արցախի էջը, լուռ ընդունել մեր նկատմամբ տեղի ունեցած ցեղասպանութիւնը եւ հրաժարուել արժանապատւութիւնից ու մեր բոլոր իրաւունքներից։
Սակայն, ճշմարտութիւնը մէկն է. Արցախի էջը փակուած չէ, մեր ժողովուրդն ունի իրաւունքներ, որոնց համար պայքարը ոչ թէ վտանգում է Հայաստանի Հանրապետութիւնը, այլ պաշտպանում է այն։
Ադրբեջանի կողմից ցեղասպանական գործողութիւնների արդիւնքում Արցախում տեղի ունեցած էթնիկ զտման հետեւանքով հարիւր հազարաւոր արցախահայեր այսօր տնազուրկ են, բայց նրանց սրտերում ապրում է միեւնոյն երազանքը՝ վերադառնալ տուն, ապրել իրենց հողի վրայ, ապրեցնել ազգային ժառանգութիւնը»,- դիմատետրեան իր էջին գրած է Սաղաթէլեանը։
