-2.91c
Երեվան
ուրբ, դկտ 26
«Ժողովուրդ» օրաթերթը կը գրէ․ «2022 թուականը ՀՀ վարչապետ Նիկոլ Փաշինեանն աւարտեց պաշտօնանկութիւններով եւ իրենց պաշտօններին հրաժեշտ տուեցին ՀՀ փոխվարչապետ Համբարձում Մաթեւոսեանն ու ՀՀ կրթութեան, գիտութեան, մշակոյթի եւ սպորտի նախարար Վահրամ Դումանեանը:
«Ժողովուրդ» օրաթերթը գրել էր, որ պաշտօնանկութիւններն այդքանով չեն սահմանափակուելու եւ թիրախում նաեւ ՀՀ առողջապահութեան նախարար Անահիտ Աւանեսեանն է: Սակայն մենք տեղեկացանք, որ այժմ էլ կառավարութեան ղեկավարը դժգոհ է ՀՀ էկոնոմիկայի (տնտեսութեան) նախարար Վահան Քերոբեանի աշխատանքից, որը նաեւ իր յայտարարութիւնների պատճառով յաճախ է զաւեշտալի իրավիճակում յայտնւում: Եւ ահա, մեր տեղեկութիւններով, նա եւս առաջիկայում հնարաւոր է հրաժեշտ տայ իր պաշտօնին, սակայն փոխարինող դեռ չեն կարողանում գտնել:
«Ժողովուրդ» օրաթերթը փորձեց ՀՀ էկոնոմիկայի (տնտեսութեան) նախարար Վահան Քերոբեանից ճշդել՝ նա իր աշխատանքից դժգոհութիւն ստացել է, թէ ոչ: Նախարարը սկզբում հետաքրքրուեց` կատակում ենք, թէ ոչ, ապա երբ կրկնեցինք հարցը, նա այդպէս էլ որեւէ պատասխան չտուեց՝ յորդորելով դիմել նախարարութեան լրատուական բաժին»:
Առաւել մանրամասն՝ թերթի այսօրուան թիւին մէջ:
