22.09c
Երեվան
հնգ, ապր 30
Ռուսաստանցի քաղաքական վերլուծաբան Մոտեսթ Քոլերովի խօսքով՝ Հայաստանի մէջ խորհրդարանական ընտրութիւններուն Նիկոլ Փաշինեանի գլխաւորած ուժի՝ «Քաղաքացիական պայմանագրի» օգտին քուէարկած է ընտրացուցակներուն մէջ գրանցուած քաղաքացիներու մէկ չորրորդը միայն։ Ան Tert.am-ի հետ զրոյցի ժամանակ նշած է՝ ճիշդ այդ ալ պայմանաւորած է Փաշինեանի յաղթանակը։
Խօսելով արդէն ընտրութիւններէն ետք հայ-ռուսական յարաբերութիւններու մասին՝ Մոտեսթ Քորելովը նշած է, որ անոնք չեն փոխուիր, քանի դեռ Հայաստանը չէ պահանջած, որ ռուսական ռազմակայանը դուրս գայ իր տարածքէն։
Պատասխանելով դիտարկման, թէ ինչպէս կը տեսնէ ՀՀ-ի մէջ քաղաքական ճգնաժամի լուծումը, Մոտեսթ Քորելովը նշած է․ «Ինչպէս կը տեսնենք՝ Փաշինեանն ստացած է խորհրդարանի մէջ սահմանադրական մեծամասնութիւն՝ նուազագոյն օրինականութեան պայմաններու մէջ։ Այնպէս որ, երկրին մէջ ճգնաժամը պիտի չլուծուի»,- ըսած է ան։
Յիշեցնենք, որ 20 Յունիսի Ազգային ժողովի արտահերթ ընտրութիւններու արդիւնքներով նոր խորհրդարանին մէջ պիտի ըլլայ երեք քաղաքական ուժ՝ «Քաղաքացիական պայմանագիրը», «Հայաստան» դաշինքը եւ «Պատիւ ունեմ» դաշինքը: «Պատիւ ունեմ» դաշինքը չէ յաղթահարած անցողիկ շեմը, եւ խորհրդարանի մէջ պիտի ըլլայ իրաւունքի ուժով:
