Ճափոն-Ռուսիա խաղաղութեան պայմանագի՞ր

Ճափոն-Ռուսիա խաղաղութեան պայմանագի՞ր

Ճափոնիոյ վարչապետ Ֆումիօ Քիսիտան ըսած է, որ հակառակ Ռուսիոյ հետ Ուքրանիոյ հարցով բարդ յարաբերութիւններուն, Թոքիոն հաստատակամօրէն հաւատարիմ է ռուս-ճափոնական տարածքային խնդրի լուծման եւ խաղաղութեան պայմանագրի կնքման։

«Ուքրանիոյ մէջ տիրող իրավիճակի պատճառով ռուս-ճափոնական յարաբերութիւնները կը գտնուին ծանր վիճակի մէջ, սակայն մենք խստօրէն հաւատարիմ ենք տարածքային խնդրի լուծման եւ խաղաղութեան պայմանագրի կնքման ուղղութեան», - մէջբերած է «ՌԻԱ Նովոստի»-ն անոր խօսքերը։

Սեպտեմբերի վերջը Ճափոնը հաստատած է հակառուսական պատժամիջոցներու նոր փաթեթը՝ ցուցակին մէջ աւելցնելով պաշտպանական արդիւնաբերութեան հետ առնչուող 21 կազմակերպութիւն։

Ճափոնի իշխանութիւնները նաեւ «ամբարկօ» (արգելք) սահմանած են Ռուսիոյ շարք մը ապրանքներու արտահանման վրայ, որոնք կապուած են քիմիական զէնքի հետ։

Երկրորդ համաշխարհային պատերազմէն ետք Քուրիլեան կղզիները տարածքային վէճի առարկայ կը մնան երկիրներու միջեւ: Այն ժամանակ Քուրիլներն անցած են ԽՍՀՄ-ին, բայց Թոքիոն պնդած է, որ Ճափոնին կը շարունակեն պատկանիլ Քունաշիր, Շիքոթան, Իթուրուփ եւ Հապոմայ կղզիները։ Ռուսիոյ հետ խաղաղութեան պայմանագիր կնքելու համար Ճափոնը կը պահանջէ վերադարձնել կղզիները։