13.09c
Երեվան
չրք, մյս 13
«Քորոնա» ժահրի տարածման կշռոյթի պատճառով Վրաստանը վերադարձած է «կարմիր» գօտի. երկրին մէջ կրկին մտադիր են պարտադրել քաղաքացիներուն պաշտպանիչ դիմակներ կրել բաց տարածքներուն մէջ: Այս մասին կը հաղորդէ Эхо Кавказа պարբերականը:
«Այժմ մենք «կարմիր» գօտիի մէջ ենք: Սա տագնապի գլխաւոր պատճառներէն մէկն է, եւ պէտք է համապատասխան միջոցառումներ ընդունուին»,- յայտարարած է Վրաստանի Հիւանդութիւններու վերահսկման ազգային կեդրոնի ղեկավար Ամիրան Կամքրելիձեն:
Անոր խօսքով՝ ներկայիս համաճարակաբանական իրավիճակը Վրաստանի մէջ նման է հոկտեմբերի վերջ-նոյեմբերի սկիզբը եղած վիճակին, որով պայամանւորուած՝ այն մեծ ուշադրութեան արժանի է:
Կամքրելիձեն նաեւ կոչ ըրած է բնակչութեան պատուաստուելու:
Վրաստանի մէջ վերջին մէկ օրուան ընթացքին արձանագրուած է «Քորոնա» ժահրով վարակման 2616 նոր դէպք, որ 2020 թուականի 22 դեկտեմբերէն ի վեր առաջին խոշորագոյն ցուցանիշն է: Համավարակի ողջ ընթացքին «Քորոնա» ժահրով վարակուած է աւելի քան 390 հազար մարդ, մահացած է՝ աւելի քան 5500:
