-7.91c
Երեվան
շբթ, փտր 22
Քեմբրիջի դուքս Ուիլյամն ու դքսուհի Քեյթ Միդլտոնը Կանադայում հանդիպել են սիրիացի փախստականներին, հայտնում է dailymail-ը: Վանկուվեր քաղաքի փախստականական կենտրոնում նրանք ջերմորեն զրուցել են սիրիացի ընտանիքների հետ: Նրանք տեղեկացել են միգրացիոն կենտրոնի աշխատանքների մասին, նաև, թե ինչպես են սիրիացիները հարմարվել կանադական կյանքին: Հիշեցնենք, որ անցյալ տարի Կանադան իր դռներն է բացել սիրիացի փախստականների առջև՝ նրանց տրամադրելով որոշ արտոնություններ: Նրանք մասնավոր զրույց են ունեցել երիտասարդ մի ընտանիքի հետ, որը պատմել է Սիրիայից Կանադա հասնելու իրենց պատմությունը:
Սիրիացի փախստականական կենտրոնում հանդիպումը եղել է Ուիլյամի և Քեյթ Միդլտոնի կանադական այցի հերթական կանգառներից մեկը, հոկտեմբերի 1-ին նրանք մեկնելու են Կանադայից:
Մամուլը նշում է նաև, որ Քեմբրիջի դքսուհին կրել է Alexander McQueen-ի հեղինակած կարմիր ու սպիտակ զգեստ, մինչ նրա ամուսինը համեստ սև կոստյումով և սպիտակ շապիկով է եղել:
