-2.91c
Երեվան
շբթ, նմբ 22
Միացեալ Նահանգներու Արտաքին գործոց նախարար Էնթընի Պլինքընը Տաւոսի տնտեսական համաժողովին կայացած հանդիպման ժամանակ Ուքրանիոյ նախագահ Վլատիմիր Զելենսքիին հաւաստիացուցած է, որ Ուաշինկթընը մտադիր է շարունակել աջակցութիւնը Քիեւին՝ հակառակ Միացեալ Նահանգներու Քոնկրեսին մէջ Ուքրանիոյ համար նոր ֆինանսաւորման հաստատման հետ կապուած տարաձայնութիւններուն:
«Արմէնփրէս»-ի հաղորդմամբ՝ հանդիպման տեսանիւթը տարածած է Kanal 13 ալիքը։
«Մենք լի ենք վճռականութեամբ`շարունակելու մեր աջակցութիւնն Ուքրանիոյ, եւ շատ սերտօրէն կը համագործակցինք Քոնկրեսի հետ՝ ատոր հասնելու համար: Գիտեմ, որ մեր եւրոպացի գործընկերները նոյնը կ՚ընեն»,- գործակալութիւնը մէջբերած է Պլինքընի խօսքերը:
Իր հերթին Զելենսքին շնորհակալութիւն յայտնած է Միացեալ Նահանգներու նախագահ Ճօ Պայտընի վարչակազմին՝ աջակցութիւնը շարունակելու համար։ Զելենսքին շեշտած է, որ Ուաշինկթընի աջակցութիւնը Քիեւին շատ կարեւոր է եւ կ՚օգնէ դիմակայելու Ռուսիոյ յարձակումներուն։
