-3.91c
Երեվան
երկ, դկտ 22
Կողմերը ձեռնպահ կը մնան միմեանց դէմ ուղղուած որեւէ գործողութենէ, այդ շարքին՝ երրորդ պետութիւններու միջոցով իրականացուող:
Ռուսաստանը եւ Ատրպէյճանը պայմանաւորուած են դիտարկել միմեանց ռազմական օգնութիւն տրամադրելու հնարաւորութիւնը` անվտանգութեան եւ կայունութեան ապահովման նպատակով:
«Անվտանգութեան ապահովման, խաղաղութեան ու կայունութեան պահպանման նպատակով Ռուսաստանի Դաշնութիւնը եւ Ատրպէյճանի Հանրապետութիւնը կրնան դիտարկել փոխադարձ ռազմական օգնութիւն տրամադրելու հնարաւորութիւնը` հիմնուելով ՄԱԿ-ի կանոնադրութեան, առանձին միջազգային պայմանագրերու վրայ եւ հաշուի առնելով գործող միջազգային իրաւունքը», այս մասին կ'ըսուի ռուս-ատրպէյճանական դաշնակցային համագործակցութեան մասին հռչակագրին մէջ:
«Կողմերը ձեռնպահ կը մնան միմեանց դէմ ուղղուած որեւէ գործողութենէ, այդ շարքին՝ երրորդ պետութիւններու միջոցով իրականացուող», նաեւ կ'ըսուի փաստաթուղթին մէջ, որ Վլատիմիր Փութինն ու Իլհամ Ալիեւը ստորագրած են:
Քրեմլի ղեկավարը յայտնած է, որ այս փաստաթուղթի ստորագրմամբ երկկողմ յարաբերութիւններու զարգացման նոր փուլի սկիզբ կը դրուի: Ալիեւ իր հերթին ըսած է, որ հռչակագիրը դրական նշանակութիւն պիտի ունենայ Ռուսաստանի եւ Ատրպէյճանի, ինչպէս նաեւ տարածաշրջանային անվտանգութեան համար: Ատրպէյճանի առաջնորդին խօսքերով` փաստաթուղթը բաղկացած է աւելի քան քառասուն կէտէ եւ կ'ընդգրկէ երկկողմ համագործակցութեան կարեւորագոյն ոլորտները:
