-2.91c
Երեվան
ուրբ, դկտ 26
Ռուսաստանի նախագահ Վլատիմիր Փութին իր թուրք պաշտօնակից Ռեճեպ Թայիպ Էրտողանի հետ հեռախօսազրոյցին տեղեկացուցած է, որ դէմ չէ հանդիպելու Ուքրանիոյ նախագահ Վլատիմիր Զելենսքիի հետ:
Փութինի դիրքորոշման մասին յայտնած է Թուրքիոյ արտաքին գործոց նախարար Մեւլութ Չաւուշօղլուն:
Դիւանագէտը պատմած է, որ Անգարան ջանքեր կը գործադրէ պետութիւններու ղեկավարներուն հանդիպումը կազմակերպելու համար: Անոր խօսքով` նման նախաձեռնութիւն եղած է նաեւ նախքան Ուքրանիոյ տարածքին Ռուսաստանի ռազմական գործողութեան մեկնարկը:
«Ուքրանական կողմը պատրաստ է: Կողմերը Պելառուսիոյ մէջ թեքնիք հարցերը կը քննարկեն», ըսած է Չաւուշօղլուն:
Էրտողան-Փութին հեռախօսազրոյցը կայացած էր Մարտ 6-ին: Մինչ այդ յայտնի դարձած էր, որ Էրտողանի հետ հեռախօսազրոյցի ընթացքին Զելենսքին Փութինի հետ Անգարայի կամ Սթամպուլի մէջ հանդիպելու պատրաստակամութիւն յայտնած էր:
