36.09c
Երեվան
երկ, օգս 24
ՀՀ վարչապետ Նիկոլ Փաշինեանը կը կարծէ, որ Հայոց ցեղասպանութեան զէնքայնացման գործընթացին պէտք է վերջ դրուի, որովհետեւ այդ զէնքի կրակոցէն դարձեալ ու դարձեալ հայ ժողովուրդը պիտի զոհուի։
«Ապրիլի 24-ը մեր ապրիլի 24-ն է։ Ծիծեռնակաբերդի յուշահամալիրը մեր Ծիծեռնակաբերդի յուշահամալիրն է, մենք պէտք է խոկանք Ծիծեռնակաբերդում խոնարհուած ու պէտք է որոշենք, որ Հայաստանի Հանրապետութիւնը բոլոր ժամանակների կոտորածների, տեղահանութիւնների, ցեղասպանութեան զոհերի, յետնորդների գերեզման չպէտք է լինի, այլ հայրենիք-պետութիւն, որտեղ մարդիկ ապրում են ազատ, բարեկեցիկ եւ անվտանգ»,- Այս մասին Ազգային Ժողովէն ներս ՀՀ կառավարութեան ծրագիրը ներկայացնելու ժամանակ ըսած է վարչապետ Նիկոլ Փաշինեանը։
Ան նշած է, որ մենք պէտք չէ այլեւս երազենք այլ հայրենիքի մասին, որովհետեւ Հայաստանի Հանրապետութիւնն է մեր երազանքներու հայրենիքը, ու մենք երջանիկ ենք, որ ունինք այդ հայրենիքը։
«Մեր անելիքը պէտք է լինի այս հայրենիք-պետութիւնը զարգացնելը ու այն յարատեւ սերնդեսերունդ փոխանցելը։ Սրա համար, այո, նախ պէտք է ապահովել պետութեան լինելիութիւնը ու անվտանգութիւնը։ Սրա համար էլ հարկաւոր է նախ սերտել մեր հին ու նոր պատմութեան դասերը, թէ ինչ է լինում, երբ անվտանգութեան մեր յոյսերը կապում ենք ուրիշների հետ»,-նշած է Փաշինեանը։
