Նախորդ տարուան ընթացքին գաթականները շարունակած են գրեթէ մրցանշային ցուցանիշներով ապօրինաբար հատել Միացեալ Նահանգներու սահմանը, գրած է Daily Mail-ը:
Միացեալ Նահանգներու սահմանապահ ծառայութիւնը 2023-ին գրանցած է առանց փաստաթուղթերու գաղթականներու կողմէ սահմանի 2,063,692 հատում, որ շատ քիչ կը զիջի 2022 թուականին գրանցուած մրցանշային բարձր ցուցանիշին:
Նախագահ Ճօ Պայտընի պաշտօնավարման առաջին երեք տարուան ընթացքին սահմանապահ ծառայութիւնը գրանցած է ընդհանուր առմամբ 5,940,511 հատում, որ 277 տոկոսով աւելի է հանրապետական Տանըլտ Թրամփի պաշտօնավարման նոյն ժամանակահատուածի համեմատ՝ 2017-էն 2019 թուականներուն, համաձայն Միացեալ Նահանգներու մաքսային եւ սահմանապահ ծառայութեան տուեալներու:
Հանրապետականները Պայտընը մեղադրած են ապօրինի ներգաղթեալներու թիւի աճի համար, այն բանէ ետք, երբ ան թոյլցուցած է Թրամփի ժամանակաշրջանի սահմանափակումներու քաղաքականութիւնը՝ այդ սահմանափակումները որակելով «անմարդկային եւ անարդիւնաւէտ»:
Ներգաղթը եւ սահմանի հետ կապուած հարցերը կը մնան պահպանողական ընտրողներու գլխաւոր մտահոգութիւնը նոյեմբեր 5-ի ընտրութիւններէն առաջ: