9.09c
Երեվան
կրկ, մյս 19
Օրերս Պէյրութի հայահոծ Պուրճ Համուտ շրջանի «Երջօ Սամուէլեան» սրահէն ներս տեղի ունեցած է «Մհեր Ջուլհաճեան» աշակերտական շարադրական մրցանքի ամէնամեայ մրցնակաբաշխութիւնը։
Այս մասին «Արեւելք» տեղեկացաւ Պէյրութի Հայ Կաթողիկէ Մեսրոպեան Վարժարանի դիմատետրեան էջէն, ուր մասնաւորապէս կը նշուի, որ վարժարանի աշակերտուհիներէն՝ Կալի Թաթոն ստացած է ՝ «Պատուոյ յիշատակութեան մրցանակ»ը։
Ստորեւ այդ մասին վարաժարանին կողմէ տարածուած հակիրճ լրատւութիւնը։
Կազմակերպութեամբ Լիբանանի Հայոց թեմի ուսումնական խորհուրդին, «Մհեր Ջուլհաճեան» աշակերտական շարադրական մրցանքի 20-ամեակին առիթով, 11 Ապրիլին Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ մրցանքին 2022-2023 տարեշրջանին մրցանակաբաշխութիւնը, նաեւ «Մհերը` ներշնչման աղբիւր» գիրքին շնորհահանդէսը։ Սոյն մրցանակաբաշխութեան պատուոյ յիշատակութեան արժանացաւ մեր աշակերտուհին Կալի Թաթօ։
Կը շնորհաւորենք Կալին այս առիթով եւ կը մաղթենք շատ յաջողութիւններ:
