ՆԱԹՕ-ն Ռուսիոյ համար սպառնալիք չէ. Փենթակոնի ղեկավար

ՆԱԹՕ-ն Ռուսիոյ համար սպառնալիք չէ. Փենթակոնի ղեկավար

ՆԱԹՕ-ն չի ձգտիր Ռուսիոյ հետ առճակատման եւ սպառնալիք չէ անոր համար, ըսած է ԱՄՆ պաշտպանութեան նախարար Լլոյտ Օսթինը Ռիկայի մէջ իր լաթվիացի գործընկեր Արթիս Փապրիքսի հետ հանդիպումէն ետք կայացած մամլոյ ասուլիսին, գրած է vedomosti.ru-ն։

«Եկէք յստակեցնենք. մենք առճակատում չենք փնտռեր Ռուսիոյ հետ եւ վտանգ չենք ներկայացներ անոր համար»,- ընդգծած է Լլոյտը:

Յունիսի վերջը ՆԱԹՕ-ն Ռուսիան ճանչցած է որպէս դաշինքի անվտանգութեան, ինչպէս նաեւ «եւրոաթլանթեան տարածաշրջանին մէջ խաղաղութեան եւ կայունութեան համար ամենավտանգաւոր եւ անմիջական սպառնալիք»։

Միաժամանակ ՆԱԹՕ-ն պնդած է, որ չի ձգտիր առճակատման երթալ Մոսկուայի հետ եւ վտանգ չի ներկայացներ երկրի համար։ Պլոքն իր պատրաստակամութիւնը յայտնած է պահպանելու կապի ուղիները Ռուսիոյ Դաշնութեան հետ՝ վտանգները նուազեցնելու եւ մագլցումը կանխելու համար։