Նաթանիահուն զօրքերուն հրամայած է պատրաստուիլ Կազայի Ռաֆահ քաղաք ներխուժման

Նաթանիահուն զօրքերուն հրամայած է պատրաստուիլ Կազայի Ռաֆահ քաղաք ներխուժման

Իսրայէլի վարչապետ Բենիամին Նաթանիահուն հրամայած է զօրքերուն նախապատրաստուիլ Կազայի հատուածի գերբնակեցուած Ռաֆահ քաղաք մուտք գործելուն, գրած է france24.com-ը:

Իսրայէլի վարչապետի յայտարարութիւնը հնչած է այն բանէ ետք, երբ ան մերժած է «Համաս»-ի՝ Կազայի մէջ հրադադարի մասին առաջարկները: Այս լոյսին տակ կ՚աճի անհանգստութիւնները հարիւր հազարաւոր պաղեստինցիներու համար, որոնք ապաստան գտած են Ռաֆահի մէջ: ՄԱԿ-ի գլխաւոր քարտուղար Անթոնիօ Կութերեշը նախազգուշացուցած է, որ ռազմական ներխուժումը քաղաք «աւելի կը խորացնէ մարդասիրական մղձաւանջը»:

Չորեքշաբթի հեռուստատեսային ելոյթին մէջ Նաթանիահուն ըսած է, որ հրամայած է զօրքերուն «պատրաստուիլ գործողութիւններուն» քաղաքին մէջ, եւ որ «Համաս»-ի նկատմամբ «լիակատար յաղթանակին» մնացած է ընդամէնը քանի մը ամիս: