18.09c
Երեվան
չրք, մրտ 12
Հայաստանի Հանրապետության արտգործնախարար Արարատ Միրզոյանը «Թվիթեր»-ի իր միկրոբլոգում ցավակցություն է հայտնել երեկ Ստամբուլում տեղի ունեցած պայթյունի կապակցությամբ։ ԱԳ նախարարը գրել է․
«Անկեղծ ցավակցություններս եմ հայտնում Ստամբուլում տեղի ունեցած մահաբեր պայթյունի զոհերի ընտանիքներին, իսկ վիրավորներին՝ մաղթում շուտափույթ ապաքինում»։
Հիշեցնենք՝ երեկ՝ նոյեմբերի 13-ին, Ստամբուլի Իսթիքլալ ամենահայտնի հետիոտնային փողոցում պայթյուն էր որոտացել: Ստամբուլի պայթյունը Թուրքիայի իշխանություններն ահաբեկչություն են որակում։ Տեղի ունեցածի հետևանքով, նախնական տվյալներով, զոհվել է 6, վիրավորվել՝ 81 մարդ։
