17.09c
Երեվան
կրկ, ապր 06
31 մարտին, ժամը 22:50-ի սահմաններուն, ՀՀ հարաւ-արեւելեան սահմանագօտիին վրայ, ծայրայեղ ցած տեսանելիութեան պայմաններու պատճառաւ ՀՀ Զինուած Ուժերու զինծառայողներուն միջեւ թիւրիմացաբար տեղի ունեցած է փոխհրաձգութիւն: Ընթացքին կրակոցներ հնչած են նաեւ ատրպէյճանական կողմէն: Միջադէպէն յետոյ յայտնաբերուած է ՀՀ ԶՈւ ժամկէտային զինծառայող Հրաչեայ Արայի Սարուխանեանի մարմինը՝ հրազէնային մահացու վնասուածքով: Այս մասին յայտնած են ՀՀ պաշտպանութեան նախարարութենէն:
Եւս մէկ զինծառայող ստացած է վիրաւորում. որուն կեանքին վտանգ չի սպառնար:
Դէպքի հանգամանքները լիարժէք պարզելու համար տեղի կ՚ունենայ քննութիւն:
Հայաստանի Հանրապետութեան պաշտպանութեան նախարարութիւնը կիսած է կորստեան ծանր վիշտը եւ զօրակցութիւն յայտնած Հրաչեայ Սարուխանեանի ընտանիքի անդամներուն, հարազատներուն եւ ծառայակիցներուն:
