Մենք պատրաստ ենք երկխօսութեան. Պայտըն Ռուսիոյ հետ խօսելու մասին

Մենք պատրաստ ենք երկխօսութեան. Պայտըն Ռուսիոյ հետ խօսելու մասին

Միացեալ Նահանգները պատրաստ Է Ռուսիոյ հետ քննարկելու սպառազինութիւններու վերահսկողութեան նոր համակարգը , որ պիտի գայ փոխարինելու Ռազմավարական յարձակողական սպառազինութիւններ-3-ին (ՌՀՍ-3), Մոսկուան պէտք Է ցուցաբերէ համատեղ աշխատանքի պատրաստակամութիւն:

Ինչպէս կը տեղեկացնԷ «Արմէնփրէս»-ը, այդ մասին ըսուած Է Նիւ Եորքի մէջ ՄԱԿ-ի Միջուկային զէնք չտարածելու պայմանագի մասնակից երկիրներու խորհրդաժողովի բացման առթիւ՝ ԱՄՆ նախագահ Ճօ Պայտընի՝ 1 օգոստոսին հրապարակած յայտարարութեան մէջ:

«Այսօր իմ վարչակազմը պատրաստ Է վարելու բանակցութիւններ՝ սպառազինութիւններու վերահսկողութեան նոր համակարգի շուրջ՝ Ռազմավարական յարձակողական սպառազինութիւններ-3-ի (ՌՀՍ-3) փոխարէն, որու ժամկէտը կը լրանայ 2026 թուականին: (…) Ռուսիան պէտք Է ցոյց տայ, որ պատրաստ Է վերսկսելու աշխատանքն ԱՄՆ-ի հետ միջուկային սպառազինութիւններու վերահսկողութեան շուրջ»,- ըսուած Է յայտարարութեան մէջ: ԱՄՆ կը կարծԷ, որ սպառազինութիւններու վերահսկողութեան նոր համակարգի քննարկումը պէտք Է տեղի ունենայ Չինաստանի մասնակցութեամբ:

«Չինաստանը նոյնպէս պատասխանատւութիւն կը կրէ որպէս պետութիւն, որ ունի միջուկային զէնք, Միջուկային զէնքի չտարածման պայմանագրի շրջածիրէն ներս եւ որպէս միջուկային հնգեակի անդամ սպառանզինութիւններու վերահսկողութեան նոր համակարգի մշակման բանակցութիւններուն մէջ, որ կու գայ փոխարինելու ՌՀՍ-3-ին»,- ըսուած Է Պայտընի յայտարարութեան մէջ: