32.09c
Երեվան
կրկ, հնս 01
Այսօր երեկոյեան ժամերուն լարուած իրավիճակ ստեղծուած է Մասիս քաղաքին մէջ։
Այս մասին «Արեւելք» տեղեկութիւն ստացաւ հայրենի լրասփիւռներէ։
Աղբիւրները կը նշեն, որ քաղաքապետական խորհուրդի անդամ 36-ամեայ էտուարտ Մարգարեան զինուած կերպով մուտք գործած է քաղաքապետարան պատճառ դառնալով լարուած իրավիճակի։
Աւելի ուշ ոստիկանական ուժեր հասած են դէպքի վայր եւ փորձած են վնասազերծել Մարգարեանը։
Լսելի դարձած է կրակոց, որմէ ետք ալ ի յայտ եկած է, որ Մարգարեան ինքնասպան եղած է։
Դէպքին հետեւանքով այլ տուժածներ, կամ վիրաւորներ չեն գրանցուած։
