32.09c
Երեվան
կրկ, օգս 16
Պետական եկամուտներու կոմիտէի նախագահ Ռուստամ Բադասեանը լրագրողներու հետ ճեպազրոյցի ժամանակ անդրադարձած է հայ-թրքական սահմանի բացման ուղղութեամբ տարուող աշխատանքներուն։
«Կառավարութեան նիստերում մի շարք որոշումներ են ընդունուել ֆինանսաւորման հետ կապուած, Մարգարայում ակտիւ շինարարական աշխատանքներ են ընթանում։ Կոնկրետ ժամկէտ չեմ կարող նշել, թէ երբ կ'աւարտուի, բայց շուտով»,-ըսած է ան։
Հարցին՝ աշխատանքներու աւարտէն անմիջապէս ետք պիտի բացուի՞ սահմանը, Բադասեանը պատասխանած է․ «Դա Պետական եկամուտների կոմիտէի իրաւասութեան շրջանակներում գտնուող հարց չէ։ Մեր խնդիրը սահմանային անցակէտի մաքսային հսկողութեան պատշաճ իրականացման համար պայմանների ապահովումն է, մենք դա իրականացնում ենք»։
Ֆինանսաւորման հետ կապուած հարցերուն Բադասեանը պատասխանած է՝ նշելով, որ այդ հարցերը կը քննարկուին կառավարութեան նիստերու ժամանակ եւ տարբեր փուլերու համար կը յատկացուին տարբեր գումարներ, իսկ ֆինանսաւորումը կ'իրականացուի պետական պիւտճէի հաշուոյն։
Յիշեցնենք` Երեւանն ու Անգարան 2021 թուականի դեկտեմբերին յայտարարեցին, որ պատրաստ են յարաբերութիւններու կարգաւորման յստակ քայլեր ձեռնարկելու, եւ երկուստեք յատուկ ներկայացուցիչներ նշանակեցին:
2023 թուականի գարնան Մարգարա գիւղի անցակէտի տարածքը փոխանցուած է ՀՀ պետական եկամուտներու կոմիտէի տնօրինութեան։ Մայիսի վերջը կոմիտէն «Մարգարա» մաքսակէտի կառուցման նպատակով նախագծանախահաշուային աշխատանքներու նախապատրաստման վերաբերեալ պայմանագիր կնքած է «Արբակ եւ որդիներ» ընկերութեան հետ։
Նախագիծով նախատեսուած է կառուցել մէկյարկանի սպասարկման սրահ, երկու տաղաւար բեներու ձեւակերպման համար, երկու տաղաւար հերթապահ հերթափոխի հանգիստի համար, մաքսային զննման միայարկ մասնաշէնք, մեքենաներու կայանատեղիներ, հարթակներ, ներքին ճանապարհներ, երկու հսկիչ-անցագրային կէտ եւ միայարկ պահեստ:
