-3.91c
Երեվան
երկ, դկտ 29
Ֆրանսայի նախագահ Էմանուէլ Մաքրոն մտադիր է Պանթէոնին մէջ վերայուղարկաւորել հայ բանաստեղծ եւ դիմադրութեան շարժման մարտիկ Միսաք Մանուշեանի աճիւնը, կը յայտնէ europe1.fr-ն:
Աղբիւրին տեղեկութիւններով` հանրապետութեան նախագահը շատ լուրջ կը մտածէ այդ մասին:
«Մանուշեանի գործը անոր սեղանին է, թղթապանակներու կոյտի ամենավերեւը», հաստատած է նախագահի նմերձաւոր խորհրդականը:
1925-ին Ֆրանսա ներգաղթած Միսաք Մանուշեանը Երկրորդ Աշխարհամարտի ժամանակ դարձած է «Փարիզի շրջանի դիմադրողներ»-ու (Groupe Manouchian) առաջնորդը եւ պայքարած է ֆաշիստներու դէմ:
Մանուշեանի խումբը գնդակահարուած է 1944 թուականի Փետրուար 21-ին Մոն Վալերիենի մէջ: Այդ օրը Միսաքը վերջին նամակը գրած է իր կնոջ. «Վստահ եմ, որ ֆրանսացի ժողովուրդը եւ Ազատութեան բոլոր մարտիկները պիտի կարենան արժանապատուօրէն յարգել մեր յիշատակը»:
