-1.91c
Երեվան
ուրբ, դկտ 26
Լրագրողներու համահայկական համաժողովները համակարգող խորհուրդի 21 Հոկտեմբերին տեղի ունեցած նիստի ընթացքին ամփոփուած են առցանց ձեւաչափով կատարուած տարածաշրջանային խորհրդաժողովներու արդիւնքները եւ ուսումնասիրուած են համահայկական խորհրդաժողովի կազմակերպման հնարաւորութիւնը 2022-ի գարնան:
Այս մասին կը տեղեկանանք «Արմէնփրէս»էն:
Համակարգող խորհուրդը քննարկած է համահայկական յառաջիկայ համաժողովին հնարաւոր թեման եւ օրակարգը, անցկացման վայրի եւ թուականի վերաբերեալ առաջարկութիւնները, ինչպէս նաեւ որոշած է համաժողովին ընդգրկուելիք թեմատիկ հարցերու վերաբերեալ ստանալ ու ամփոփել հայկական լրատուամիջոցներու ներկայացուցիչներուն լրացուցիչ առաջարկերը, որոնք չեն հնչած առցանց համաժողովներու ժամանակ:
Արձանագրուեցաւ, որ առցանց խորհրդաժողովները ձեւաւորած են ժամանակակից միտումներուն համահունչ օրակարգ, որուն նպատակն է զարգացնել հայկական լրատուամիջոցները եւ ապահովել համագործակցութեան շարունակականութիւնը:
Համակարգող խորհուրդը որոշած է իր յառաջիկայ լիագումար նիստը գումարել մինչեւ տարեվերջ:
Նկարը՝ արխիւային:
