ՌԴ ԱԳՆ ղեկավար Սերկէյ Լաւրովը յայտարարած է, որ Ռուսաստանը յոյս ունի, որ ոչ ոք յարձակում կը գործէ ՀԱՊԿ երկիրներու նկատմամբ՝ Աֆղանիստանի իրավիճակի ֆոնին, կը հաղորդէ ԹԱՍՍ-ը:
«Կեդրոնական Ասիոյ մեր հարեւաններու հետ մեր դիրքորոշումն այն է, որ ՀԱՊԿ շրջածիրէն ներս բոլոր պարտաւորութիւնները ուժի մէջ կը մնեն: Ի հարկէ, յոյսով ենք, որ ոչ ոք կը փորձէ փորձարկել հաւաքական անվտանգութեան մասին պայմանագրի կայունութիւնն ու յարձակողական գործողութիւններ սկսիլ կազմակերպութեան որեւէ անդամի նկատմամբ»,-ըսած է ան «Ռուսաստանի արտաքին քաղաքականութիւնը. Յաջողութիւններ, մարտահրաւէրներ, խնդիրներ եւ հեռանկարներ» ուեպինարի ժամանակ:
Անոր խօսքով՝ թալեպները կը վերահսկեն տարածքներու 70-80 տոկոսը: Ան նաեւ նշած է, որ թալեպները դուրս կու գան Աֆղանիստանի հիւսիսային սահմաններ, ուր կ'օգտագործեն քաղաքական գործընթացի մէջ բացը:
Լաւրովի խօսքով՝ Ռուսաստանը պիտի օգտագործէ բոլոր հնարաւորութիւնները՝ թալեպներու եւ Աֆղանիստանի կառավարութեան միջեւ ուղիղ երկխօսութեան համար:
Մոսկուայի մէջ ատոր համար ամենաարդիւնաւէտը կը համարեն մոսկովեան ձեւաչափը:
Միացիր մեզ Տելեգրամում
Միացիր մեզ Յութուբում
Կիսուիլ
