7.09c
Երեվան
ուրբ, հկտ 17
Ատրպէյճան Հայաստանի հետ խաղաղութեան պայմանագիր կնքելու ճանապարհին լուրջ խոչընդոտներ չի տեսներ՝ յայտարարած է Ատրպէյճանի նախագահի խորհրդական Հիքմէթ Հաճիեւ:
«Յստակ ժամկէտներու մասին խօսիլ դժուար է, քանի որ Պաքուն եւ Երեւանը դեռ պէտք է շարունակեն բանակցութիւնները՝ աւարտին հասցնելու գործընթացը»,- մանրամասնած է պաշտօնեան:
Ատրպէյճանի նախագահի օգնականը վստահեցուցած է, որ Պաքուն հաւատարիմ է տարածաշրջանի մէջ կայունութեան հաստատման եւ Հայաստան-Ատրպէյճան յարաբերութիւններու կարգաւորման ջանքերուն:
«Խաղաղութեան պայմանագիրը կարեւոր փաստաթուղթ է, այն կը փոխէ տարածաշրջանի մթնոլորտը, Հայաստանի եւ Ատրպէյճանի միջեւ շփումներու էութիւնը:
Սակայն պէտք է հասկնալ, որ այդ փաստաթուղթը կախարդական փայտիկ չէ, այն անմիջապէս բոլոր հարցերը չի լուծեր»,- ընդգծած է Հաճիեւ, աւելցնելով՝ պայմանագիրը թոյլ կու տայ, որ բացառուի երկու երկիրներու միջեւ հետագայ ռազմական առճակատման, պատերազմներու եւ վայրագութիւններու տարրը։
