1.09c
Երեվան
հնգ, նմբ 14
Իսրայէլի կողմէ լիբանանեան «Հըզպալլա» շարժման ղեկավար Հասան Նասրալլայի սպանութիւնը պիտի վերափոխէ Մերձաւոր Արեւելքի ուժային կառոյցները, յայտարարած է Իսրայէլի վարչապետ Բենիամին Նաթանիահուն՝ զգուշացնելով Իրանը, որ Իսրայէլի բանակը կրնայ տարածաշրջանին մէջ հարուածել իրեն անհրաժեշտ որեւէ վայր: Այս մասին գրած է timesofisrael.com-ը:
Ելոյթ ունենալով Երուսաղէմէն՝ Նաթանիահուն ըսած է, որ Իսրայէլի կողմէ Նասրալլայի թիրախաւորումը անհրաժեշտ էր Իսրայէլի պատերազմական նպատակներուն հասնելու համար՝ այն է՝ երկրի հիւսիսային հատուածի բնակիչներուն, որոնք տեղահանուած են «Հըզպալլա»-ի կողմէ բուռն հրթիռակոծութեան հետեւանքով, թույլ տալ ապահով վերադառնալ տուն:
«Նասրալլան հերթական ահաբեկիչը չէր. ան ինքնին ահաբեկիչ էր: Նասրալլայի վերացումն էական պայման էր մեր առջեւ դրուած նպատակներուն հասնելու համար՝ հիւսիսի բնակիչները անվտանգ վերադարձնել իրենց տուները եւ փոխել ուժերու հաւասարակշռութիւնը տարածաշրջանին մէջ: Անոնք, որոնք կը հարուածեն մեզ, պէտք է գիտնան, որ մենք ալ պիտի հարուածենք անոնց: Իրանի կամ Մերձաւոր Արեւելքի մէջ չկայ վայր մը, որ հասանելի չէ Իսրայէլի երկար բազուկի համար, եւ այսօր դուք գիտէք, թէ որքանով ճիշդ է այդ»,-ըսած է Նաթանիահուն։
Ըստ Իսրայէլի պաշտպանութեան բանակի, ռազմաօդային ուժերու կործանիչները վերջին շաբթուան ընթացքին աւելի քան 3,500 ռազմամթերք նետած են «Հըզպալլա»-ի կառոյցներուն վրայ:
