24.09c
Երեվան
չրք, սպտ 09
Սէուտական Արաբիոյ օդուժը 32 օդային հարուած հասցուցած է Եմէնի արեւմուտքի չորս նահանգներու։ Այս մասին նշուած է հուսիներու «Անսար Ալլահ» շարժման տարածած մամլոյ ծառայութեան հաղորդագրութեան մէջ։
Շարժման տուեալներով՝ հարուածները հասցուած են ալ-Ճաուֆի, Մարիպի, ալ-Հոտէյտայի եւ Թաիզի նահանգներուն։ Աւերածութիւններու եւ զոհերու մասին տեղեկութիւններ չկան։
Սեպտեմբեր 8-ի առաւօտեան SPA գործակալութիւնը հաղորդած է, որ Սէուտական Արաբիոյ քաղաքներուն վրայ հուսիներու յարձակումներուն հետեւանքով 73 անձ վիրաւորուած է, որոնց շարքին՝ կիներ եւ երեխաներ։ Գործակալութեան տուեալներով՝ շարք մը քաղաքներու մէջ թիրախաւորուած են քաղաքացիական եւ տնտեսական կառոյցներ։
Եմէնի մէջ պատերազմը սկսած է 2014-ին, երբ հուսիները գրաւած են Սանաան, որ յաջորդ տարի պատճառ դարձած է Սէուտական Արաբիոյ կողմէ ռազմական միջամտութեան։
Մարտերը վերսկսած են 2026 թուականի Յուլիսին, երբ կառավարական ուժերը հարուածած են հուսիներու վերահսկողութեան տակ գտնուող Սանաայի օդակայանը՝ խոչընդոտելով Իրանէն ժամանող օդանաւի վայրէջքը։
Իսկ անցեալ շաբաթ հուսիները լայնածաւալ յարձակում սկսած են՝ փորձելով առաջ շարժիլ արեւմտեան Թաիզի եւ հարաւային Հոտէյտայի ուղղութեամբ՝ դէպի Ալ-Մոխա նաւահանգստային քաղաքը եւ Կարմիր ծովուն մէջ գտնուող Պապ ալ-Մանտէպի նեղուցը։
Հուսիները նաեւ յայտարարած են Պապ ալ-Մանտէպէն անցնող սէուտական նաւերու ծովային շրջափակման մասին։
