27.09c
Երեվան
երկ, հնս 23
«Ջանքեր կը գործադրենք, որ Հայաստանը հնարաւորինս շուտ ընդունի Ատրպէյճանի պարզած ձեռքն ու տարածաշրջանին մէջ հաստատուի խաղաղութիւն եւ կայունութիւն»․ յունուար 29-ին յայտարարած է Թուրքիոյ խորհրդարանի պաշտպանութեան կոմիտէի նախագահ Հուլուսի Աքարը, որու գլխաւորած պատուիրակութիւնը ներկայիս կը գտնուի Պաքու։
2018-2023 թուականներուն Թուրքիոյ պաշտպանութեան նախարարի պաշտօնը զբաղցուցած Աքարը ատրպէյճանցի լրագրողներու հետ ճեպազրոյցին շարունակած է ուղերձներ յղել Հայաստանին։
«Պէտք է իմանալ՝ որեւէ տեսակի սադրանքով, աջակցութեամբ կամ ուղղորդմամբ առաջնորդուիլը դրական պիտի չազդէ տարածաշրջանի, Հայաստանի վրայ եւ պիտի չհեշտացնէ մարդոց կեանքը»։
Աքարի պնդմամբ՝ կան որոշ երկիրներ, որոնք կ՚ուզեն Հայաաստանը վստահուած-փոխանորդ (փրոքսի) պետութիւն դարձնել։
«Եթէ Հայաստանն այդ ճանապարհն ընտրէ, ապա ինչպէս 44-օրեայ գործողութեան ժամանակ շատ լուրջ վնաս կրեց եւ գին վճարեց, նոյն ձեւով պատմութիւնը կը կրկնուի»,- նշած է Աքարը՝ վերահաստատելով, թէ Թուրքիոյ նպատակը խաղաղութիւնն ու կայունութիւնն է։
