ՀԱՊԿ ՀՕՊ Համակարգը նաեւ Հայաստանի համար է. Ռուսաց Պաշտպանութեան նախարար

ՀԱՊԿ ՀՕՊ Համակարգը նաեւ Հայաստանի համար է. Ռուսաց Պաշտպանութեան նախարար

Հաւաքական անվտանգութեան պայմանագրի կազմակերպութեան (ՀԱՊԿ) մասնակից երկիրներու հակաօդային պաշտպանութեան (ՀՕՊ) միասնական համակարգը փաստացի ստեղծուած է եւ իւրաքանչիւր պետութեան հետ կան համապատասխան երկկողմ համաձայնագրեր։ Այս մասին, ԹԱՍՍ-ի հաղորդմամբ, յայտնած է Ռուսիոյ Դաշնութեան պաշտպանութեան նախարար Սերկէյ Շոյկուն:

«Փաստացի այն (միասնական հակաօդային պաշտպանութեան համակարգը) ստեղծուած է, ստեղծուած է երկկողմ մակարդակով, մենք ունինք համաձայնագիր իւրաքանչիւր պետութեան հետ։ Այն կը վերաբերի Հայաստանին, Ղազախստանին, Ղրղզստանին, Տաճիկստանին, ի հարկէ Պելառուսիոյ։ Բնականաբար, այն յագեցած է, կ՚աշխատի, պարբերաբար վարժանքներ կ՚իրականացնենք եւ կը պահենք մարտական վիճակի մէջ։

ՀՕՊ միասնական համակարգ կայ ԱՊՀ-ի մէջ։ ՀԱՊԿ-ի մէջ էլ, փաստացի, կազմուած է, եթէ փաստաթուղթեր կը պահանջուին, փաստաթուղթեր կը ձեւակերպենք: Բայց մենք երկկողմանի համաձայնագիր ունինք ՀԱՊԿ անդամ իւրաքանչիւր երկրի հետ։ Եւ այս երկկողմ պայմանագրով ստեղծուած է համակարգը»,- ըսած է Շոյկուն: