27.09c
Երեվան
չրք, սպտ 18
Յորդանանի արտաքին գործոց նախարարի հետ հանդիպման ժամանակ Իրանի նախագահ Մասուտ Փեզեշքիանը յայտարարած է, որ «Համաս»-ի քաղբիւրոյի ղեկավար Իսմայիլ Հանիյէի սպանութիւնը մեծ սխալ էր, ան խոստացած է անպատասխան չթողնել Իսրայէլի արարքը:
Փեզեշքիան յայտարարած է, որ Իրան կ՚ակնկալէ, որ «բոլոր իսլամական եւ ազատատենչ երկիրները դատապարտեն Իսրայէլի գործողութիւնը»: Յորդանանի արտաքին գործոց նախարարը դատապարտած է Հանիյէի սպանութիւնը եւ նշած, որ Իսրայէլի վարչապետ Բենիամին Նաթանիահուն այդ գործողութիւնը պատերազմն ընդլայնելու նպատակով իրագործած է:
Նշենք, որ Իսրայէլ բարձր մակարդակով չէ ստանձնած «Համաս»-ի ղեկավարի սպանութեան պատասխանատւութիւնը:
Իսրայէլեան լրատուամիջոցները գրած են, որ պաշտպանութեան նախարարը հանդիպում ունեցած է բարձրաստիճան զինուորականներու հետ՝ քննարկելու Իրանի հնարաւոր յարձակումը, որուն ընդառաջ՝ Եոաւ Կալանթը յայտարարած է, որ Իսրայէլը պատրաստ է պաշտպանուելու եւ նաեւ պատասխանելու որեւէ յարձակման:
