26.09c
Երեվան
հնգ, հկտ 09
Պաղեստինեան «Համաս»-ը պատրաստակամութիւն յայտնած է վերադարձնելու իսրայէլցի բոլոր պատանդները։ Կարճ ժամանակ անց ԱՄՆ նախագահ Տանըլտ Թրամփը յայտարարած է, որ Իսրայէլը, պատանդներու ազատ արձակումն ապահովելու համար, պէտք է անյապաղ դադրեցնէ Կազայի հատուածի վրայ յարձակումները։
Թրամփը վերջնագիր ներկայացուցած էր «Համաս»-ին. խումբը մինչեւ կիրակի երեկոյ պէտք է ընդունէր Կազայի հատուածի համար խաղաղութեան անոր ծրագիրը։
Ուրբաթ երեկոյեան «Համաս»-ը ընկերային ցանցերու մէջ յայտարարութիւն տարածած է՝ արտայայտելով իր պատրաստակամութիւնը գոնէ մասամբ իրականացնելու Թրամփի եւ Իսրայէլի վարչապետ Բենիամին Նաթանիահուի հաստատած ծրագիրը։
«Համաս»-ը նաեւ պատրաստակամութիւն յայտնած է պատանդներու ազատ արձակման գործընթացի վերաբերեալ անյապաղ բանակցութիւններ սկսիլ միջնորդներու հետ ։
Աւելին, «Համաս»-ը «հաստատած է իր համաձայնութիւնը՝ Կազայի հատուածի կառավարումը փոխանցելու պաղեստինեան անկախ իշխանութեան՝ հիմնուած պաղեստինեան ազգային համաձայնութեան եւ արաբական ու իսլամական համայնքի աջակցութեան վրայ»։
«Համաս»-ի յայտարարութենէն կարճ ժամանակ անց Թրամփ նոր գրառում հրապարակած է իր ընկերային ցանցի՝ Truth Social-ի մէջ․ «Իսրայէլը պէտք է անյապաղ դադրեցնէ Կազայի ռմբակոծութիւնը, որ մենք կարողանանք արագ եւ անվտանգ վերադարձնել պատանդները»,-ըսուած է գրառման մէջ։
