21.09c
Երեվան
չրք, սպտ 11
Հալէպի հանրայայտ «Կրթասիրաց» վարժարանի Տիկնանց Յանձնախումբը օրերս նշած է Համբարձման տօնը։
Այս մասին կը կարդանք՝ վարժարանի դիմատետրեան էջէն, որ մասնաւորապէս կը գրէ՝
Ուրբաթ,19 Մայիս 2023-ին, Կրթասիրաց Մշակութային Միութեան Տիկնանց Յանձնախումբին կազմակերպութեամբ կատարուեցաւ Համբարձումի տօնակատարութիւն, Թէրսէնթի պարտէզէն ներս։
Առօրեայ վազվզուքէն, գործ ու պատասխանատութենէն հեռու, հաճելի էր տեսնել իր ազգային աւանդութիւնները պահպանելու նախանձախնդիր հոծ բազմութիւն մը, որ եկած էր մեզի աւանդուած Համբարձումն ու անոր բնորոշ սովորոյթները անգամ մը եւս ապրելու եւ ապրեցնելու։
Այդպէս ալ եղաւ։
Համբարձման տօնակատարութիւնը առաւել եւս ճոխացաւ համադամ ճաշերով, բախտով ընտրուած ու ընթերցուած վիճակներով, վիճակահանութեամբ ու նուէրներով։ Ընթացքին երգուեցաւ տօնին յատուկ երգեր ու շարականներ, որոնք հաճելի պահեր ստեղծեցին ներկաներուն մօտ։
Յատուկ շնորհակալութիւն կը յայտնենք Տիկնանց յանձնախումբին իրենց նուիրեալ աշխատանքին համար։
Տիկիններ, ձեր ներկայութիւնը եւ աշխատանքը գործօն ազդեցութիւն ունի ձեռնարկին յաջողութեան, զորս մեծապէս գնահատելի է։
