1.09c
Երեվան
երք, փտր 10
ՀՀ ԱԱԾ պետական պահպանութեան ծառայութեան նախկին պետ, զօրավար Գրիգորի Հայրապետովի հոգեհանգիստի արարողութիւնը տեղի պիտի ունենայ Յունուար 4-ին՝ Կոնդի Սուրբ Յովհաննէս եկեղեցւոյ մէջ, ժամը 18։00-էն սկսեալ։ Յուղարկաւորութիւնը տեղի պիտի ունենայ Յունուար 5-ին՝ ժամը 12։00-ին, Կոնդի Սուրբ Յովհաննէս եկեղեցիէն, աճիւնը պիտի ամփոփուի Դաւիթաշէն վարչական շրջանի գերեզմանատունը։
Հայրապետով մահացած է Յունուար 1-ին՝ Երեւանի «Երազ» թաղամասի իր բնակարանին մէջ։ Ըստ տեղեկութիւններուն՝ ան այդ օր առաւօտեան վատ զգացած է ինքզինք, շտապ օգնութիւն կանչած են, սակայն շտապօգնութեան հեռանալէ յետոյ շատ չանցած Հայրապետովը մահացած է։
Ըստ նախնական վարկածի՝ ան սրտի կաթուած ստացած է։
Գրիգորի Հայրապետովը 1991-2018 թուականներուն եղած է Հայաստանի ղեկավարներու անվտանգութեան գլխաւոր պատասխանատուն։ Ան ապահոված է Հայաստանի երեք նախագահներու եւ ներկայիս վարչապետ Նիկոլ Փաշինեանի անվտանգութիւնը։
Հայրապետով Ազգային անվտանգութեան ծառայութեան պետական պահպանութեան ծառայութեան պետի պաշտօնէն ազատուած է 2019-ի Հոկտեմբերին։
