15.09c
Երեվան
շբթ, ապր 20
Օրերս Գահիրէի մէջ նշուած է Հայ Յեղափոխական Դաշնակցութիւն կուսակցութեամ հիմնադրման 131-րդ տարեդարձը։
Այս մասին «Արեւելք» կը կարդայ «Յուսաբեր»էն, ուր մասնաւորապէս գրուած է՝
Հովանաւորութեամբ Եգիպտոսի Հայոց թեմի առաջնորդ՝ Տ. Աշոտ եպս. Մնացականեանին, կազմակերպութեամբ «Յուսաբեր»ի շրջանակին, Շաբաթ, 26 Փետրուար 2022-ին, երեկոյեան ժամը 8։00-ին, «Պլըքտանեան» սրահին մէջ տեղի ունեցաւ Հ.Յ.Դ. 131-րդ ամեակին նուիրուած քոքթէյլ-ընդունելութիւն, ներկայութեամբ Թեմիս բարեխնամ առաջնորդին, Հ.Հ մեծարգոյ դեսպանին եւ ազնուափայլ տիկնոջ, ՀՀ հիւպատոսին, հոգեւոր դասին, գաղութիս կուսակցութիւններու եւ ակումբներու ներկայացուցիչներուն, Ազգ. Իշխանութիւններու ներկայացուցիչներուն, ընկերներու եւ համակիրներու։
Բացման խօսքով հանդէս եկաւ կու-սակցութեանս ներկայացուցիչ ընկ. Արմէն Մազլումեան, խօսքին մէջ հաս- տատելով, որ Հ.Յ.Դ.-ին համար անկախ պետականութիւնը բարձրագոյն եւ բացարձակ արժէք է։
Անդրադարձաւ նաեւ հայութեան դիմագրաւած ներկայի դժուարութիւններուն, մարտահրաւէրներուն, շեշտեց, որ անհրաժշտ է համահայկական միաս- նականութիւնը։
Ապա բեմ բարձրացաւ Հ.Հ. մեծարգոյ դեսպան տիար Հրաչեայ Փօլատեան, խօսեցաւ Հ.Յ.Դ.-ի երկար տարիներու կատարած աշխատանքին, թէ ինչպէս տաժանակիր փորձութիւններ կրած է, բայց յաղթած պատուով։ Ան շարունակեց, ըսելով, որ «Դաշնակցութիւնը ողջ սփիւռքի մէջ ստեղծեց հայապահպանութեան լայնարձակ եւ երկարաժամ- կէտ ծրագիր», «չենք կրնար չգնահատել Դաշնակցութեան աջակցութիւնը հայրենական պատերազմի տարիներուն, ինչպէս նաեւ անկէ ետք»։
Խօսք առաւ նաեւ Թեմիս Տ. Աշոտ եպս. Մնացականեան, որ գնահատեց Հ.Յ.Դ.-ի նուիրական գործը, «որ հիմնադրուած էր նպատակ ունենալով միաւորել բոլոր յեղափոխական կուսակցութիւնները եւ գաղափարակիցները՝ հայրենիքը ազատագրուած, պաշտպանուած եւ բարգաւաճ հայրենիք տեսնելու եւ ունենալու գաղափարի շուրջ», ապա շեշտեց, որ գնահատելի է նաեւ սփիւռքի մէջ ազգային գիտակցութիւնը վառ պահելու, Հայ դատի գործը առաջ տանելու իր գործունէութեան ծաւալման մէջ։
Ապա ազգային-հայրենասիրական երգերով հանդէս եկաւ յատուկ Հայաս- տանէն հրաւիրուած տուտուկահար՝ Յարութիւն Չքոլեան, որ մեծ խանդավառութիւն ստեղծեց։
Հ.Յ.Դ. , 131-ամեակդ շնորհաւո՜ր...
«ՊԻՏԻ ԿԵՐՏԵՆՔ ՆՈՐ ԱՐՇԱԼՈՅՍ...»։
