-11.91c
Երեվան
շբթ, հնվ 03
Մոսկուայի մէջ Հայաստանի եւ Ռուսաստանի արտաքին գործոց նախարարներ Արարատ Միրզոյեանի ու Սերկէյ Լաւրովի համատեղ մամուլի ասուլիսի ժամանակ Լաւրովը լրագրողին խնդրանքով անդրադարձած է ԵԱՀԿ Մինսքի խումբի համանախագահներու գործունէութեան` յայտարարելով, որ չի գիտեր, թէ ինչպիսին պիտի ըլլայ անոր ապագան, քանի որ այդ խումբի շրջանակին մէջ այսպէս կոչուած «ամերիկացի եւ ֆրանսացի գործընկերները», ռուսատեացութեան տենդով տարուած, չեղարկած են նաեւ ԵԱՀԿ ՄԽ եռանախագահութիւնը` յայտարարելով, որ իրենք Ռուսաստանի հետ չեն շփուիր այդ ձեւաչափին մէջ:
«Ադ իրենց իրաւունքն է, եթէ անոնք պատրաստ են զոհաբերելու Ղարաբաղի եւ ամբողջ Անդրկովկասի կարգաւորման հարցում շահերը, եթէ պատրաստ են զոհաբերելու տուեալ պարագային հայկական կողմի շահերը, ապա այդ իրենց ընտրութիւնն է: Այս մօտեցումը կը համարենք անպատասխանատու, սակայն դաայդ մեզի հունէն պիտի չհանէ: Մենք հաւատարիմ ենք ղարաբաղեան իրավիճակի կարգաւորման եւ այն բոլոր պայմանաւորուածութիւններու իրականացման, որոնք ձեռք բերուած են եռակողմ ձեւաչափով Հայաստանի, Ատրպէճանի եւ Ռուսաստանի ղեկավարներուն միջեւ: Այս ընտրութիւնը մերը չէ: Եթէ Ֆրանսան եւ Միացեալ Նահանգները որոշած են այդպէս վարուիլ, Աստուած անոնց դատաւոր», ըսած է Լաւրով:
