19.09c
Երեվան
ուրբ, հնս 20
Ատրպէյճանի նախագահ Իլհամ Ալիեւ, Թուրքիոյ նախագահ Ռեճէպ Թայէպ Էրտողան եւ Փաքիստանի վարչապետ Շահպազ Շարիֆ բռնագրաւուած Արցախի մէջ պիտի մասնակցին Քաշաթաղի մէջ նոր միջազգային օդակայանի բացման արարողութեան, յայտնած են ատրպէյճանական լրատուամիջոցները:
Օդակայանը կը գտնուի 1800 մեթր բարձրութեան վրայ, այն կը գտնուի Բերձորէն 30 քմ, Քարվաճառէն 60 քմ եւ Շուշիէն 70 քմ հեռաւորութեան վրայ։ Ատրպէյճանը ատոր կառուցումը սկսած է 2021-ին:
Նշենք, որ Ատրպէյճանի նախագահ Իլհամ Ալիեւ մայիսի 27-ին մեկնած է բռնագրաւուած Արցախի տարածքներ: Ան մասնաւորապէս այցելած է Քաշաթաղ, ուր մասնակցած է կարի գործարանի եւ կօշիկի գործարանի մասնաճիւղի բացման:
Ատրպէյճանը Քաշաթաղի մէջ հիմնած է գիւղատնտեսական արդիւնաբերական համալիր, որու տարածքին մէջ կը գործէ 12 ձեռնարկութիւն։
