-2.91c
Երեվան
կրկ, դկտ 21
Երեւանի մէջ իրազեկման արշաւներ սկսած են. «Մենք Արցախն ենք» նախաձեռնութեան անդամները, միանալով համաժողովրդական շարժման, քանի մը վայրկեանով փակած են Բաղրամեան պողոտայի եւ Մոսկովեան փողոցի խաչմերուկը:
Անոնց ձեռքերուն պաստառներ եղած են, որոնց վրայ գրուած է` «Մենք Արցախի կողքին ենք», «Բացէ՛ք կեանքի ճանապարհը»։
Նախաձեռնող խումբի անդամ Լիանա Պետրոսեանը յայտարարած է, որ իրենց կարճաժամկէտ արշաւներու նպատակն է Հայաստանի քաղաքացիները, երեւանցիները իրազեկել, թէ ինչ վիճակի մէջ են Արցախի մեր հայրենակիցները:
«Մենք կարող ենք 5 րոպէով արգելափակել երթեւեկութիւնը, որպէսզի քաղաքացիներին տեղեկացնենք, թէ ինչ է կատարւում Արցախում», - լրագրողներու հետ զրոյցին ըսած է Պետրոսեանը։
Անոր խօսքով՝ իրենց նախաձեռնութեան նպատակը մէկն է` հնարաւորինս շատ քաղաքացիներ միանան իրենց։
Պետրոսեանը հետագայ գործողութիւններու մասին մանրամասներ չէ յայտնած։
Շարժման մասնակիցները կարճ ժամանակով փակած են նաեւ Խանճեան եւ Գրիգոր Լուրսաւորչի փողոցները։
Անոնք արշաւը աւարտած են Աբովեան-Սայաթ-Նովա փողոցներու խաչմերուկին մօտ եւ քայլերթով հասած են Հանրապետութեան հրապարակ` քաղաքացիներուն կոչ ընելով 25 յուլիսին՝ ժամը 20:00-ին, հաւաքուիլ Ազատութեան հրապարակին մէջ:
