15.66c
Երեվան
հնգ, ապր 23
JAMnews կայքը յօդուած հրապարակած է Ատրպէյճանի կողմէ դէպի Քելպաճար (Քարվաճառ) կառուցուող թունելի մասին։ Յօդուածը, որ վերնագրուած է «Ատրպէյճանը կը կառուցէ աշխարհի ամենաերկար թունելներէն մէկը՝ Լեռնային Ղարաբաղը շրջանցելու համար»։
Մայրուղիկ վրայ, որ Գյանջան պիտի կապէ Քելպաճարի հետ, կը կառուցուի աշխարհի ամենաերկար թունելներէն մէկը։ Այն պիտի անցնի Մռավի լեռնաշղթայի տակով։ Ատրպէյճանի ինչի՞ն է պէտք դէպի Քելպաճար տանող մի քանի քիլոմեթրանոց թունելը, եւ ինչո՞ւ այն կը կառուցուի շրջանցելով Լեռնային Ղարաբաղը։ Այլընտրանքային ճանապարհը երբեք աւելորդ չէ, բայց կան նաեւ շատ աւելի լուրջ հարցեր, կը կարծէ փորձագէտը։
Ղարաբաղեան երկրորդ պատերազմի աւարտէն եւ Քելպաճարի շրջանը Ատրպէյճանի վերահսկողութեան տակ անցնելէ յետոլ ծագած է այս շրջանի հետ հաղորդակցութեան հարցը։
Բանն այն է, որ մինչեւ Ղարաբաղեան հակամարտութեան սկիզբը դէպի Քելպաճար տանող միակ ճանապարհը կ'անցնէր Մարտակերտի շրջանով։ […] Մարտակերտով ճանապարհը դեռ կայ, բայց այն կ'անցնի Ղարաբաղի այն մասով, որտեղ տեղակայուած է ռուսական խաղաղապահ զօրախումբը։
Հիւսիսային, շատ աւելի դժուարանցանելի ճանապարհը դէպի Քելպաճար կ'անցնի Մռավի լեռնաշղթայով եւ ձմրան գրեթէ անանցանելի է:
2021-ի Օգոստոս 16-ին՝ 44-օրեայ պատերազմի աւարտէն ինը ամիս անց, դրուեցաւ թունելի հիմքը։ Թունելը մաս կը կազմէ այն ճանապարհին, որ Գյանջան պիտի կապէ Քելբաջարի հետ։
Թունելին երկարութիւնը պիտի կազմէ 11 658 մեթր եւ, ըստ Ատրպէյճանի իշխանութիւններուն, այն պիտի ըլլայ աշխարհի ամենաերկար ճանապարհային թունելներէն մէկը։
Կ'ակնկալուի, որ թունելը շահագործման յանձնուի 2025-ին։
