32.3c
Երեվան
կրկ, հնս 21
Իմ խորին համոզմամբ, պաշտպանութեան նախարարը, հանդիսանալով Կառավարութեան անդամ եւ քաղաքական պատասխանատուութիւն ստանձնելով պաշտպանական ոլորտում Կառավարութեան ծրագրերի իրականացման համար, այնուամենայնիւ, պէտք է դուրս լինի «քաղաքական-կուսակցական թիմի» տրամաբանութիւնից:
Անազատութեան մէջ գտնուող՝ պաշտպանութեան նախկին նախարար Դաւիթ Տօնոյեանը փաստաբանական խումբին միջոցով տարածած է յայտարարութիւն` արձագանգելով ՔՊ-ական պատգամաւոր Գագիկ Մելքոնեանի յայտարարութեան.
«Տեղեկացայ, որ «քաղաքացիական պայմանագիր» խմբակցութեան պատգամաւոր Գագիկ Մելքոնեանը` մեկնաբանելով «պաշտպանութեան մասին» օրէնքում առաջարկուող փոփոխութիւնները, խօսել է այն մասին, որ պաշտպանութեան նախարարը պէտք է պարտադիր Նիկոլ Փաշինեանի թիմակիցը լինի եւ բառացի ասել է. «էս պատերազմի ժամանակ, որ մենք տանուլ տուեցինք, հիմնական խնդիրներից մէկն այդ էր, որ իր թիմից չէին, որ կազմակերպուած ձեւով, մենք գիտենք ինչ ձեւով փախուստներ կազմակերպեցին»:
Այս առիթով մի քանի շեշտադրում կ'անեմ.
1. Այն փաստը, որ Գագիկ Մելքոնեանը նախկինում բարձրաստիճան պաշտօններ է զբաղեցրել ՊՆ-ում, ամենեւին չի նշանակում, որ նա ունի պաշտպանական ոլորտի կազմակերպման անհրաժեշտ մասնագիտական որակներ պատերազմի արդիւնքի մասին եզրակացութիւններ անելու համար:
2. Հպարտ եմ, որ Կառավարութեան անդամ լինելով` չեմ եղել մի «թիմում», որի անդամներից մէկը Մելքոնեանն է:
3. 2022թ. Ապրիլին սպառիչ պատասխան եմ տուել այն հարցին, թէ ինչու ինձ «քաղաքական թիմի» անդամ չեմ համարել եւ ինչով էր պայմանաւորուած իմ որոշումը` պաշտպանութեան նախարարի պաշտօնը ստանձնելու մասին:
4. Գագիկ Մելքոնեանի յայտարարութիւնները միայն հաստատում են իմ կասկածները ԱԺ «քննիչ յանձնաժողովի» իրական նպատակների մասին:
5. Իմ խորին համոզմամբ, պաշտպանութեան նախարարը, հանդիսանալով Կառավարութեան անդամ եւ քաղաքական պատասխանատուութիւն ստանձնելով պաշտպանական ոլորտում Կառավարութեան ծրագրերի իրականացման համար, այնուամենայնիւ, պէտք է դուրս լինի «քաղաքական-կուսակցական թիմի» տրամաբանութիւնից:
Ինչ վերաբերում է Կառավարութեան կողմից Ազգային ժողով ուղարկուած ««պաշտպանութեան մասինէ» ՀՀ օրէնքում փոփոխութիւններ եւ լրացումներ կատարելու մասինէ ՀՀ օրէնքի նախագծին, դրա վերաբերեալ իմ մասնագիտական կարծիքը կը յայտնեմ յետոյ մօտ ժամանակներս»:
