Բնականոնացումի օրէնքով կ՚արգիլուի Իրաքի մէջ. Իսկ «Համաս» կ՚ողջունէ

Բնականոնացումի օրէնքով  կ՚արգիլուի Իրաքի մէջ. Իսկ «Համաս»  կ՚ողջունէ

Իրաքի խորհրդարանը աւարտած է «Իսրայէլի հետ յարաբերութիւններու կարգաւորումը արգիլող օրէնք»ի առաջին ընթերցումը, որուն նպատակն է կանխել անոր հետ որեւէ տեսակի յարաբերութիւններու հաստատումը:

 

Համաս» շարժումը ողջունած է Իրաքի խորհրդարանին կողմէ Իսրայէլի հետ յարաբերութիւններու կարգաւորումը քրէականացնող օրէնքին ընդունումը, կոչ ընելով արաբական եւ իսլամական աշխարհի բոլոր խորհրդարաններուն՝ հետեւելու օրինակին եւ ընդունելու նմանատիպ օրէնքներ, որոնք կ'արգիլեն Իսրայէլի հետ յարաբերութիւններու կարգաւորումը:

Ան արժեւորեց Իրաքի խորհրդարանին կողմէ այդ օրէնքի հաստատումը իր առաջին ընթերցմամբ` համարելով, որ այս հարցը «կ'արտայայտէ իրաքցի ժողովուրդին իսկութիւնը եւ անոր պատմական դիրքորոշումները` ի պաշտպանութիւն Պաղեստինի ժողովուրդին եւ անոր ազգային դատի արդարութեան»:

Յայտարարութիւնը կ'ողջունէ բոլոր դիրքորոշումները, որոնք կը մերժեն յարաբերութիւններու կարգաւորումը «ազգի ընդհանուր թշնամիին հետ, որ կը սպառնայ ազգին անվտանգութեան ու կայունութեան»:

Յիշեցնենք, որ երէկ՝ Չորեքշաբթի, Իրաքի խորհրդարանը աւարտած է «Իսրայէլի հետ յարաբերութիւններու կարգաւորումը արգիլող օրէնք»ի առաջին ընթերցումը, որուն նպատակն է կանխել անոր հետ որեւէ տեսակի յարաբերութիւններու հաստատումը:

«Հայրեիքի փրկութիւն» խմբակցութիւնը` Իրաքի խորհրդարանի ամենամեծ դաշինքը, աւելի առաջ խորհրդարանի նախագահութեան ներկայացուցած էր օրէնքի նախագիծ, որ կը նախատեսէ «քրէականացնել Իսրայէլի հետ յարաբերութիւններու կարգաւորումը»:

Յատկանշական է, որ Իրաքը որեւէ յարաբերութիւն չի հաստատեր Իսրայէլի հետ, եւ իրաքեան քաղաքական ուժերուն մեծամասնութիւնը կը մերժէ անոր հետ յարաբերութիւններու կարգաւորումը: