Հրատապ լուրեր:

Ատրպէյճան կրակ բացած է Ներքին Հանդի ուղղութեամբ. Ունինք 2 զոհ

Ատրպէյճան կրակ բացած է Ներքին Հանդի ուղղութեամբ. Ունինք 2 զոհ

Փետրուար 13-ին՝ ժամը 05:30-էն սկսեալ, Ատրպէյճանի Զինուած ուժերու ստորաբաժանումները հրաձգային զէնքերէ կրակ բացած են Ներքին Հանդի հատուածին մէջ տեղակայուած հայկական դիրքերու ուղղութեամբ, որու հետեւանքով, նախնական տուեալներով, հայկական կողմն ունի երկու զոհ եւ վիրաւորներ:

Պաշտպանութեան նախարարութիւնը հանդէս եկաւ հաղորդագրութեամբ՝ յայտնելով, որ Ներքին Հանդի ուղղութեամբ ատրպէյճանական զինուժի կրակի հետեւանքով հայկական կողմը, նախնական տուեալներով, ունի 2 զոհ եւ վիրաւորներ։

Նախօրէին ՀՀ ռազմական ոստիկանութիւնը հաղորդագրութիւն տարածեց՝ արձագանգելով ատրպէյճանական լրատուամիջոցներու մէջ տարածուած լուրերուն։

«Ադրբեջանական լրատուամիջոցների տարածած տեղեկատւութիւնը Հայաստան-Ատրպէյճան պետական սահմանի Կապան-Զանգելան հատուածում ս/թ փետրուարի 12-ին հայաստանցի դիրքապահների կողմից կրակ բացելու մասին հետաքննւում է: Վերադաս հրամանատարութեան կողմից գրաւոր հրամաններով յստակ սահմանուած են այն դէպքերը, երբ զինծառայողը, իրադրութիւնը գնահատելով, կարող է եւ/կամ պարտաւոր է կրակ բացելու որոշում կայացնել:

Նախնական տեղեկատւութդամբ փետրուարի 12-ին տուեալ տեղամասում նման իրադրութիւն առկայ չի եղել: Այս հանգամանքը հաստատուելու պարագայում հրամանը խախտելու դէպքի մեղաւորները կ՚ենթարկուեն պատասխանատւութեան»,-ըսուած էր հաղորդագրութեան մէջ։