14.09c
Երեվան
կրկ, հլս 06
Միացեալ Նահանգներու Սենատի արտաքին յարաբերութիւններու հարցերով յանձնաժողովի նախագահ Ռոպըրթ Մենենտես յայտնած է, որ ԱՄՆ Սենատ բանաձեւի նախագիծ ներկայացուցած է, որ կը դատապարտէ Ատրպէյճանի յարձակումը Հայաստանի վրայ:
«Հպարտութեամբ կը ներկայացնեմ Սենատի բանաձեւը, որ կը դատապարտէ Ատրպէյճանի կողմէ Հայաստանի վրայ ռազմական յարձակման վերսկսումը եւ մարդկային կեանքի նկատմամբ արհամարհական վերաբերմունքը։ Ժամանակն է, որ ԱՄՆ-ն վճռական գործողութիւններով ամրապնդէ իր աջակցութեան խօսքերը՝ դադրեցնելով ռազմական օգնութիւնն Ատրպէյճանին»,–թուիթըրեան իր էջին գրած է Մենենտես։
Proud to introduce a Senate resolution condemning Azerbaijan's renewed military assault on Armenia & horrifying show of disregard for human life.
— Senate Foreign Relations Committee (@SFRCdems) September 27, 2022
Time for the US to match words of support with robust action by halting military assistance to Azerbaijan.https://t.co/l2KzYi0CF4
Միաժամանակ, Սենատի արտաքին յարաբերութիւններու պաշտօնական կայքէն կը տեղեկանանք, որ նախագծով կոչ կ'ըլլայ դադրեցնելու ռազմական ոլորտի մէջ ԱՄՆ աջակցութիւնն Ատրպէյճանին, ազատ արձակելու հայ գերիները եւ պատերազմական յանցագործութիւններու առնչութեամբ դիտարկելու Ատրպէյճանի դէմ պատժամիջոցներու հնարաւորութիւնը:
