14.09c
Երեվան
հնգ, հկտ 01
Սուրիոյ պատերազմին հետեւանք հանդիսացող ծանր երեւոյթներէն մէկը համարուած «մարդկային առեւտուր»ի երեւոյթին վերաբերեալ նոր զարգացումներ կը գրանցուին: Այս մասին այսօր տեղեկութիւն կը հաղորդէ լիբանանեան «Էլ. Պի. Սի. Այ.» արբանեակային ալիքը, որ կը հաղորդէ է, թէ սուրիացի նորածին երեխաներ «կը վաճառուին» Լիբանանի մէջ: Աղբիւրը նաեւ կը հաղորդէ, որ սուրիացի յղի կանայք լիբանանեան սահմանին կը մօտեցուին, ուր կը ծննդաբերեն եւ անոնց «պտուղ»ները կը ծախուին Լիբանանի սահմանին: Կայանը, որ այս մասին հետաքննական րէժորթաժ մը պատրաստած է, նաեւ կը հաստատէ, թէ Սուրիոյ բժիշկներու սենտինքան վերջին օրերուն իր շարքերէն վտարած է 3 բժիշկներ, որոնք կը մեղադրուին նման յանցագործութիւններու մէջ մասնակից ըլլալու մէջ: Կը հաղորդուի նաեւ, որ նորածիններու վաճառքը կը կատարուի նիւթական շատ բարձր վճարումներու փոխարէն:
