15.09c
Երեվան
հնգ, հկտ 01
Սուրիա-(«Ալ Մայատին»- Պէյրութ) Սուրիոյ նախագահ Պաշշար Ասատ ուշագրաւ յայտարարութեամբ մը հանդէս գալով ըսած է, թէ իրենք պատրաստ են կրակմար յայտարարել, եթէ ահաբեկիչ զինեալները կրակմարի առիթէն օգտուելով գետնի վրայ փոփոխութիւններու չձեռնարկեն: Ան հարցազրոյց մը տուած է սպանական «Էլ փաիս» պարբերականին եւ նաեւ ըսած է, որ եթէ գետնի վրայ զինեալ խմբաւորումներ որեւէ փոփոխութեան ձեռնարկեն, ապա Սուրիոյ իրադրութիւնը կրնայ աւելի վատթարանալ: Սուրիոյ նախագահը ըսած է, որ կրակմար յայտարարելու կարեւորագոյն նախապայմաններէն մին է, որ ահաբեկիչներուն զէնք եւ զինամթերք ուղղարկող երկիրները, որոնց գլխաւորը Թուրքիան է առիթը չօգտագործէ եւ դէպի Սուրիա ահաբեկիչներ եւ զինամթերք չուղարկէ: Ասատ շնորհակալութեան խօսք ուղղած է Ռուսաստանին եւ Իրանին, Սուրիոյ հանդէպ իրենց ունեցած կեցուածքներուն եւ ցուցաբերած օժանդակութեանց համար:
