• 74
• 19/01/2026

Սուրիոյ քիւրտերուն հետ նոր համաձայնութիւն

Յունուարի 18-ին Սուրիոյ նախագահ Ահմետ Շարըհ ստորագրած է հրադադարի եւ լիակատար համարկման համաձայնագիր Սուրիոյ կառավարութեան եւ քիւրտերու գլխաւորած «Սուրիական դեմոկրատական ​​ուժեր»ու (ՍԴՈւ) միջեւ, հաղորդած է ​​«SANA»-ն։

Համաձայնագիրը բաղկացած է 14 կէտէ։ Այն, ի թիւս այլ բաներու, կը ներառէ.

• Ան3ապաղ հրադադար եւ «Սուրիական դեմոկրատական ​​ուժեր»ու դուրսբերում Եփրատ գետէն այն կողմ։
• Տէր Զօրի եւ Ռաքքայի նահանգներու, այդ շարքին՝ բոլոր հաստատութիւններու եւ նաւթի ու կազի հանքավայրերու ամբողջական փոխանցումը Սուրիոյ կառավարութեան վերահսկողութեան։
• Հասաքէ նահանգի քաղաքացիական հիմնարկներու համարկումը սուրիական պետութեան կառոյցներուն։
• «Սուրիական դեմոկրատական ​​ուժեր»ու ամբողջ անձնակազմի ներառումը սուրիական բանակին մէջ եւ ներքին գործոց նախարարութեան մէջ իւրաքանչիւրին առանձին ստուգումէ ետք։
• «Իսլամական պետութեան» բանտերու եւ բանտային ճամբարներու պատասխանատւութիւնը Սուրիբոյ կառավարութեան յանձնելը:
• Այն Արապ քաղաքէն զգալի ռազմական ներկայութեան դուրսբերումը եւ տեղական ոստիկանական ուժերու ձեւաւորումը։

Յունուար 18-ին, Reuters-ը, յղում ընելով աղբիւրներուն, հաղորդած էր, որ սուրիական զօրքերը գրաւած են երկրի հիւսիս-արեւելքը գտնուող որոշ տարածքներ եւ կարեւոր կառոյցներ՝ ԱՄՆ-ի կողմէ աջակցուող քրտական ուժերու դէմ իրենց յարձակման ընթացքին։ Մասնաւորապէս, անոնք վերահսկողութիւն հաստատած են երկրի ամենամեծ՝ Օմար նաւթահանքի եւ Տէր Զօր նահանգի արեւելքի մէջ գտնուող Քոնոքօ կազի հանքավայրի նկատմամբ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել