-2.91c
Երեվան
ուրբ, հնվ 24
Սուրիոյ պաշտպանութեան նախարար Ալի Մահմուտ Ապասը յայտարարած է, որ Դամասկոսը պատրաստ է բանակցելու քիւրտերու գլխաւորած «Սուրիոյ դեմոկրատական ուժերու» (SDF) հետ, սակայն չէ հերքած անոնց դէմ հնարաւոր ռազմական գործողութեան հաւանականութիւնը։ Անոր խօսքերը մէջբերած են արեւմտեան լրատուամիջոցները։
Shafaq News-ի հաղորդմամբ՝ Ապասը յայտնած է, որ SDF-ը սուրիական վարչակազմին առաջարկած է նաւթի հանքերը փոխանցել իր վերահսկողութեան տակ։ Ան պարզաբանած է, որ այս նախաձեռնութիւնը քննարկման փուլի մէջ է։
Ապասը տեղեկացուցած է նաեւ Սուրիոյ մէջ 70 խմբաւորման հետ հանդիպումներու մասին, որոնք, անոր խօսքով, պատրաստակամութիւն յայտնած են ըլլալու պաշտպանութեան նախարարութեան ենթակայութեան ներքոյ:
Գերատեսչութեան ղեկավարը պարզաբանած է, որ այդ կազմաւորումները զինուած ուժերու կազմին մէջ պիտի ընդգրկուին ոչ որպէս ինքնուրոյն միաւոր, անոնց մարտիկները հրամանատարներ պիտի նշանակեն կարեւոր դիրքերու վրայ։ Ան աւելցուցած է, որ 6500 դասալիք սպայ, կրնայ դեր խաղալ բանակի վերականգնման գործին մէջ:
