18.09c
Երեվան
չրք, մրտ 12
Սուրիացի մարզիկ Մաան Ասհատ առաջին Ողիմպիական մետայլը շահեցաւ։
Այս մասին գրած է «Սանա» լրատուականը նշելով, որ Ճափոնի մայրաքաղաք Թոքիոյի մէջ ընթացող Ողիմպիական խաղերու ծանրամարտի 109 քկ. քաշային կարգին Մաան Ասաատ 424 քկ. ընդհանուր քաշով կրցաւ տիրանալ պրոնզէ մետալին: Արծաթէ մետալը բաժին ինկած էր իրանցի ծանրամարտիկ՝ Ալի Տաուուտի 441 քկ. ընդհ. քաշով, իսկ Ոսկեայ մետալը նուաճած է վրացի Լաշա Թալախտցի 488 ընդհ. քաշով:
Մաան Ասհատ 10 տարուայ իր մարզական ասպարէզի ընթացքին նուաճած է զանազան մետալներ: Ան Սուրիոյ ախոյեանն է տարբեր քաշային կարգերու: 14 տարեկանին գրաւած է առաջին դիրքը Ասիոյ պատանեկան ծանրամարտութեան ախոյեանութեան, որ տեղի ունեցած է Ուզպեքիստանի մէջ 2009-ին, ինչպէս նաեւ 2013-ին Խրխըզիստանի մէջ:
Ան 2019-ին Զուիցերիոյ մէջ տիրացած է ոսկեայ մետալին միջազգային ախոյեանութեան մրցումներուն, իսկ 2019-ի Թայլանտի ախոյեանութեան գրաւած է 5-րդ տեղը:
Այսպիսով Սուրիան ստացած կ՚ըլլայ Ողիմպիական խաղերու իր առաջին մետայլը։
