-1.91c
Երեվան
հնգ, դկտ 12
Ռուսիոյ Դաշնութիւնը Սուրիոյ նախկին նախագահ Պաշշար Ասատը, որուն ապաստան տրամադրած է, չի պատրաստուիր արտայանձնել որեւէ այլ երկրի, եթէ Միջազգային քրէական դատարանը անոր կալանաւորման հրաման արձակէ:
Այս մասին, kommersant.ru-ի հաղորդմամբ, յայտարարած է Ռուսիոյ Արտաքին գործոց փոխնախարար Սերկէյ Ռիապքովը:
«Նախագահ Ասատը Ռուսիոյ մէջ է: Նման իրավիճակի մէջ սխալ կ՚ըլլայ իմ կողմէ ենթադրութիւններ ընել, թէ ինչ տեղի ունեցած է եւ ինչպէս իրավիճակը հանգուցալուծուած է։ Բայց ան ապահով է: Սա ցոյց կու տայ, որ Ռուսիան կը գործէ այնպէս, ինչպէս կը պահանջուի նման արտառոց իրավիճակներու մէջ»,-ըսած է Ռիապքովը:
Ռուսիոյ Արտաքին գործոց նախարարութեան ղեկավարի տեղակալը նաեւ ըսած է, որ Ռուսիան յոյս ունի, որ Սուրիոյ մէջ ստեղծուած իրավիճակը չի յանգեցներ երկրի մասնատման։ Անոր խօսքով՝ Սուրիան «պէտք է ըլլայ ինքնիշխան, միասնական եւ ամբողջական»։
