16.09c
Երեվան
երկ, հնս 30
Օրերս Լիբանանի մէջ գտնուող Ազունիէի Ազգային բուժարան այցելեց «Քոյր Վերժին Պարոնեանի իւղաբեր կանայք» խմբակը, ընկերակցութեամբ Սրբոց Վարդանանց Եկեղեցւոյ Հովիւ՝ Տէր Միքայէլ Տէմիրճեանին, ինչպէս նաեւ` ջութակահար Սէլլա Սվաճեանին:
Այս այցելութիւնը, որ աւանդական դարձած է Բուժարանի հիմնադրութեան օրերէն, կը կատարուի տարին երկու անգամ, կը տեղեկացնէ Բուժարանի տնօրէնութիւնը:
Այցելութեան սկիզբը բուժարանի Սուրբ Աստուածածին մատռան մէջ տեղի ունեցաւ Սուրբ եւ Անմահ պատարագ, որմէ ետք քոյրերը այցելեցին անկար տարեցներուն, որոնք չէին կրցած ներկայ գտնուիլ պատարագին:
Ապա պատսպարեալներուն եւ անձնակազմին մատուցուեցաւ կէսօրուան ճաշը՝ խորոված, թան, սիսեռածաղ, գետնախնձոր, աղցան, անուշեղէն եւ պտուղ՝ նուիրուած հիւր քոյրերուն կողմէ:
