27.09c
Երեվան
ուրբ, հնս 20
Թուրքիա-(«Տէյլի Սապահ»-Պոլիս) Ըստ «Տէյլի Սապահ»ին, անցնող երեք օրերուն ընթացքին Պոլսոյ մէջ, 12 հոգի մահացած է թունաւորուած օղի (րաքի) խմելէ ետք: Ըստ լրատուական աղբիւրներու, վեց ուրիշներ, որ հիւանդանոց փոխադրուած են, կը գտնուին ծանր իրավիճակի մը մէջ: Նախապէս առողջապահական նախարարութիւնը զգուշացուցած էր, թէ 6 հոգիներ մահացած են եւ 9 ուրիշներ ծանր վիճակի մէջ են, աւելցնելով, թէ 49 հոգիներ հիւանդանոց ընդունուած են ալքոհոլի թունաւորումի հետեւանքով մինչ 18 Հոկտեմբերը: Առողջապահական նախարար Մէհմէտ Մուէզիօղլու, աւելի ուշ լրագրողներուն հաղորդած է, թէ 23 հոգիներ կը բուժուին Պոլսոյ հիւանդանոցներուն մէջ:Զոհերուն մեծամասնութիւնը Պոլսոյ Ֆաթիհէն շրջանէն են: Ոստիկանութիւնը խուժած է տասնեակ վայրեր, ուր օղի կ'արտադրուի եւ վերջին օրերուն տասնեակ կասկածելի արտադրողներ ձերբակալուած են: Ըստ նոյն աղբիւրին Իշխանութիւնները ըսած են, թէ «պութլէկ րագի»ն հագեցուած է մեթիլ ալքոհոլով, մահացու նիւթ մը, որ կը կեղծուի պուզի փոխարէն, աւելի աժան, քան եթիլային ալքոհոլը:Մուէզիօղլու զգուշացուց հասարակութիւնը, ալքոհոլային խմիչք գործածելու պարագային ուշադիր ըլլալ, «Պէտք է խուսափին առանց հարկային պիտակի, աժան գինով վաճառուող, կասկածելի արտադրութիւններէ, յաճախորդներ պէտք է տեղեկացնեն ոստիկանութիւնը, երբ կասկածին խանութէ մը, որ «պութլէկ ալքոհոլ» կը ծախէ»:
