13.54c
Երեվան
կրկ, հնս 28
Ցանկացած կենսական զիջում մահաբեր է հայ ժողովուրդի ապագայի համար, իսկ Արցախի կորուստն այդ կենսական զիջումներէն մէկն է։ Այս մասին, 5 նոյեմբերին, Ազատութեան հրապարակը՝ լրագրողներու հետ զրոյցին ըսաւ «Հայաստան» խմբակցութեան պատգամաւոր՝ Արմէն Ռուստամեան։
«Նկատի ունենալով թշնամու՝ Ատրպէյճանի, Թուրքիայի այն նպատակը, որ իրենք մեզ ոչնչացնել են ուզում, փորձում են ստեղծուած իրավիճակից առաւելագոյնը ստանալ՝ նուաճելով Հայաստանն Արցախի հետ։ Սա մենք պէտք է թոյլ չտանք։ Սա ոչ ընդդիմութեան–իշխանութեան հարց է, ոչ իշխանափոխութեան՝ այն իմաստով, որ որեւէ ուժ ունենայ իշխանութիւն, այլ այն է հարցը, որ մենք ունենանք միասնականութիւն։ Այսօրուայ իշխանութիւնները հակառակ գործընթացն են իրականացնում, սպասարկում են թշնամու շահերը, մեր ասածն այն է, որ առանց պետական լծակների այս ամէնը թոյլ չտալ հնարաւոր չէ, դա ցանկացող ժողովուրդը պէտք է ունենայ լծակներ»։
Ինչ կը վերաբերի պրիւքսէլեան հանդիպումներուն, Արմէն Ռուստամեան ըսաւ․«Վերջին օրերին իշխանութեան բերած խնդիրն այն է, որ հարցը տեղափոխել են Արեւմուտք–Ռուսաստան պայքարի դաշտ եւ մենք այդտեղ շատ լուրջ կորուստներ կարող ենք ունենալ, մենք չպէտք է դառնանք մանրադրամ այդ գերտերութիւնների պայքարի դաշտում, ինչն այսօր իրականացնում են մեր իշխանութիւնները, գիտակցաբար, թէ անգիտակցաբար, դա կարեւոր չէ։ Այս իշխանութիւնը ժողովրդականութիւնը, ինչով եկել է իշխանութեան, կիրառում է նաեւ դրսում։ Այնինչ, պէտք է բոլոր տեղերում նոյն բանն ասել, իսկ դա լինում է մի դէպքում, երբ դու առաջնորդւում ես քո կենսական շահով, բայց հայկական շահը ներկայացնող չկայ»։
