16.09c
Երեվան
երկ, ապր 07
Իսրայէլեան ռազմական օդանաւերու կողմէ Լիբանանի հարաւը գտնուող Զիպքին գիւղաքաղաքի վրայ իրականացուած գրոհի հետեւանքով երկու մարդ զոհուած է, եւս երկու սուրիացի բանուոր վիրաւորուած են։
«Արմէնփրէս»-ի հաղորդմամբ՝ այս մասին յայտնած է Syria TV-ն։
Ըստ հրապարակման՝ Իսրայէլ թիրախաւորած է գիւղատնտեսական աշխատանքներ իրականացնող հողափոր մեքենան։
Լիբանանի ազգային լրատուական գործակալութիւնը հաղորդած է, որ իսրայէլեան ռազմական ուղղաթիռը հրթիռ արձակած է Այթա ալ-Շաապ բնակավայրի ուղղութեամբ, սակայն այն չէ պայթած։
Իսրայէլեան ուժերը հրետանային ու բռնկող ռումբեր նետած են Հուլա բնակավայրի ուղղութեամբ, նաեւ թիրախաւորած են Թայիպա բնակավայրը։
Նշենք, որ հակառակ 2024-ի նոյեմբեր 27-ին ուժի մէջ մտած հրադադարի մասին համաձայնագրին, կը շարունակուին փոխադարձ մեղադրանքները հրադադարը խախտելու վերաբերեալ։
Իսրայէլ չէ աւարտած իր ուժերու դուրսբերումը հարաւային Լիբանանէն եւ կը շարունակէ վերահսկել լիբանանեան 5 կարեւոր բլուրները։
